:ji bo daxistina pirtûkê
https://www.calameo.com/read/0052702988475cd596771
https://www.4shared.com/web/preview/pdf/LjfB_1lCge?
https://drive.google.com/drive/my-drive
https://books-library.com/read/1588744237
:ji bo xwendina pirtûkê dakeve xwarê
Navê berhemê : Ilham evîna bê dawî
Navê daner : Pêşeroj Cewherî
cureya berhemê : Helbest
hijmara çapê : 94
Dîroka çapkirinê : 02.03.2023
hemî maf ji nivîskar re parastî ne
Kombûna zanyarên azad KZA
https://reberhebun.wordpress.com/
Baran çendî
Pêşeroj Cewheri
Baran çendî her bê bibar
Ev warê dil nabe buhar
Gul ú giya ji bo çine
Bidestê te bihnekim yar
Buhar ji ber te bêbîne
Li himber wê dil bêvîne
Cotkarê kul û keseran
Were diê min biçîne
Were dilê min bike bax
Ji kul û derda bike sax
Îro çend roj birîndare
Derman nabe bihêsra ax
Hêsir ji çavan dihere
Agirê dil venamire
Bigirî xem nebûn şahî
Xewnên borî lê megere
Bila herdem biherike
Dermane dil jê fir bike
Çemên xewn û xeyalên te
Zozane bo min hênike
Evîna te bo min delal
Jiyan û kaniya zelal
Bawer bikin nizanim yar
Rastî bû yan hizr û xeyal
Pêşeroj Cewherî
Kezî marê
Ey zeriyê kezî marê
Newêrim li te binêrim
Xeml û kemla te dibînim
Nema zanim bi kud herim
Bûye çend sal dilbera min
Peristîê evîna te me
Mixabin bi ser kula de
Dil bernade evîna te
Ez dipirsim ji dilê xwe
Heta kengî ev peristî
Dilê min hey jaro dilo
Bese xizanî û mestî
Dilber ne wek yar ate ne
Tu hêlaya ser vî halî
Yar wek zîna cezîrî ye
Li ser memê tim dikalî
Mane bese lê zeriyê
Ji sozên te min tişt nedît
Ji bil axîn û firyadî
Ji bil sitem min jî nedît
Newêrim ez
Maçê herdu lêvên di sor
Harin dilo newêrim ez
Destê xwe Nadim guliyan
Du reş marin newêrim ez
Du reş çavên te kanîne
Çemê evîn jê di here
Newêrim jê vexwim ji dil
Tirsim dilê min bihêre
Sînga te bax û bexçe ye
Çar cûre rengê gulan e
Behn û bala te lal û gul
Ware dildar û gula ye
Ji male gava bi der tê
Şeva gundê me dike roj
Lê dinêrim bi ax û of
Kî zane di dil deye doj
Derdê dilber
Gava min dî dilbera xwe
Erd û ezman li min hejîn
Çav û dilê min tev girîn
Dilbera min dilbera min
Digrîm jibo evîna xwe
Ji bo lan û hêlîn û war
Dilhejar bûm ji bot e yar
Dilbera min dilbera min
Dil her deman xeman dixwe
Dest û pê ketine dava
Mixabin her dem û gava
Dilbera min dilbera min
Ev dil çiqas dike bo xwe
Lê bi evînê nikare
Tew yar ji bîra min nare
Dilbera min dilbera min
Pêşeroj cewherl
Şîna xwişka min
Di baxê jîna min de
Lalek hebû hîn bişkoj bû
Ji dilê xwe min av dida
Ew şîn dibû roj bi roj
Roja gula min pişkivî
Roja çû dibistana xwe
Roja yekem ji sala yekem
Pirtûkên xwe nû standin
Lê bextê bê oxir û rûreş
Nehişt gula min bîn vede
Li bûyerek hatûçûnê wê jiyana
Xwe ji dest da agir xiste nav dilê min
Axîna min şehrezad bû
.şehrezad bû .
Buhar çima nayê
Li nik me şîn nayê buhar
Her li pey berf û baran
Gul û sosin rûgeş nabin
Di nav baxan û şîlan
Buharî nayê rezê me
Çilmisîn gulên sor û zer
Bihna gulavê nayê me
Ware me hişk bû der bider
Ji baranê gelek kanî
Der bûne li welatê min
Şepêlên çeman û derya
Bi pêl dane her ware min
Çiya û giya di pirsin
Lehiya berf û barabê
Li ser me gelek bariyan
Çima şîn nake jiyanê
Dîsan buhar li pey nehat
Hedem mij û zivistane
Li ser baxên sorgulên min
Bilbil bi zar û fîxane
Bilbil gazî da sorgula
Ji baxê cîhanê va têm
Çima lro li we tenê
Çimislne reng û rêdêm
Sorgula tev gotin ji dil
Berl wan baxan em hebûn
Lê bahozek ji herêmî
Ji ber rehê n=me sûxar bûn
Bilbilê min bêbuhare
Baxê gula lê bûne xar
Awazên kovan û kula
Ji bilbilê jar têne xwar
Sorgul dibên rezvan hêçe
Dîwar û bend ava nekir
Da rehê me bi parêze
Sûxar û sermê li me kir
Sorgula min ey jiyanê
Ez bilbilê te dilsozim
Ji bo te sed sûnd û peyman
Li rezvanê te li dozim
Netirsin cîhan buhare
Sorgula min ey ciwanê
Sar û sermê berê tev çûn
Şîn bû buhara jiyanê
Bayê hênik ji rojava
Va dest pêkir sorgula min
Ezê li ser hêlîna xwe
Ava bikim delala min
Dil û mêlak
Dilber dil û mêlake
Bi xemla xwe meleke
Di civaka xwe dîle
Pir bêzar û melûle
Dema yarê dibînim
Ji rewşa wê çi dînim
Serxweş û mest û gêjim
Nizanim ka çi bêjim
Evîn pêt û agirim
kes nizane çi sirim
yar derya bê keviye
kelekvan bê hêviye
çavim ji xew bê parin
li benda wê şiyarim
bitirsim wer bimlnim
dilbera xwe nebînim
ka destê xwe bide me
nemaye kes mîna me
em herin kurdistanê
rabe ser xwe lê cane
bila zanibin
bila zanibin dijmin û çi bêdeng
rojava me dikî berxwedan û ceng
me têper kir gelek demên tar û reş
ronî daye rêka me sitrka geş
destan bidin hev da hûn bibin hevrê
keç û xortên kurd kevna bidin xwarê
emê dîrok û zemîn û çi ziman
rastiyê diyar bik bo xelkê cîhan
doza azadî av didim bixwînê
da ji berê wê derman bikim jînê
çawa binivîsim
nizanim çawa binivîsim ez
van axîn û kovan û keserêt xo
dilber bicarek hejar kirim ez
lê carek napirsê li yarêt xo
li govend û şahiya xemgînim
li geryan û seyrana dilsarim
hey şêrîn şengî tu tu xweş vê zanî
ji çavên kal diljar û bijanim
evînim rojek xweş neda min
belê ez kirim bilbil û şa ir
li baxê eşqa dilber dinalim
lê canê hişke ew mîna kevir
yara min
dilbera min evîna min
gelo carek nayê ba min
dibê çavberim nikarim
bawe bike dilyarê min
kevnetorin pir kelemin
yaro çi nerazî demin
gel pêşketin tenê man em
eman tenê dilbera min
dem dive serê xwe rake
baş binêre çava veke
ji bo roja şadî şeke
pora şitî çav reşa min
were bêje gotina dil
kat bide wêran û kavil
pela diweşîne sorgul
xemgîne bot e zerya min
were civet û jiyanê
bixemlîne bejnê cane
tuwî keça kurdistanê
bi te ser evrazim xanê
were bişkîn hemî bendan
biçînin em tovê jiyan
li şax û baxên niştiman
were delal û rinda min
dîtina yarê
dîtina te agire
pêkve ew min disojî
xwîna te min şekire
pêta di lar û dojî
vîna te lê zîna min
ez kirim derya xema
xwezî li min te yarê
bipirsî carek hema
kanî destê xwe yarê
bişkîne bend û lela
da dilxweş û aza bin
li pesar û li mila
çi bibêjim bê pesne
her ziman best û lalim
dil ji bîra te nabim
her tim bi ax û nalim
ten as nakim
buhara can û dilê min
kula serdane hale min
lê çi mest û dîn dibim ez
yarê dibê ten as nakim
dibêjim wê roja dema
daniştin ber siya xema
me dixwend dîroka evîn
yarê dibê te hiş nakim
ezim ew dildarê te me
dilkuştiyê vîna te me
îro birîndarê te me
yarê dibê ten as nakim
belê derdan tu dizanî
wêran meke dilxopanî
noşdara dilê evîndar
bes bibêje ten as nakim
pêşeroj cewherî .
em azadî olin
em kurdin azadî olin
xwedan dîrok û sembolin
şervanin him aştîxwazin
hey neyar yekê bijêre
ew xapên we hew diborin
rojên reş hew nazîvirin
ji wekhevî yan berberî
hey neyar yekê bijêre
rêka dijmin korerê ye
ji mirovatî derê ye
lê car ne carên berê ye
hey neyar yekê bijêre
em kurdin vîna serbestin
yên wekî me ne bindestin
ji cengîn û agirbestin
hey neyar yekê bijêre
pêşeroj cewherî
barzanî
erê barzanî barzanî
hemî pêkve me soz danî
rista te ,j mer ol û jîne
veger jê nabe barzanî
çirak j.çar çirayên mihabad
bizavkarê her dem û qad
govaye rûbarî aras
çendîn balaye barzanî
damar û cergê netewî
cîhanrojê kurdan tuwî
xarê çavê ba,s û bîrya
sembola aştî barzanî
hebûn bo her kesî pêşew
tac û şan û al û pertew
ne şaşim dama ku bêjim
dîroka kurd barzanî
sembola kurd û Kurdistan
pêşengê aylûlan giran
îro xêr û xweşî meya
hemî Bi saya barzanî
Her hebî
Her hebî yara min
Her hebî tim bo min
Bawer nekî ticar
Tê biçe ,j bîra min
Dilê me şa nebûn
Ewan li me pir bûn
Di gel vê her tiwî
Yar û dilvîna min
Agir dil disojî
Her gav û her roji
Rûgulav û rindê
Hînga tê bîra min
Yarê şekir mizê
J,birînê xwîn dizê
Kes j,te pêve nîne
Şemala roja min
Pêşeroj cewherî .
Bejna resen
Çavê reş têla rêsaye
Ji tenya topa kil dayee
Mixabin bejna hilalî
Li bindestê dimina ye
Bi min re wê gelek sozdan
Yek bi tenê bicî nedan
Li bager lîskan kuştim
Evîna dilê şehîdan
Nizanim çawa bixwlnim
Baweriya wê biçînim
Sedsala bîstan jî borî
Hîn li nik xwe wê nabînim
Bawer bikin îro yare
Ew ji min gelek bêzare
Demsala zivistan borî
Çima li me ne buhare
Zimanê kurdî
Kurdo bixwîn zimanê xwe
Kurdo bixwîn dîroka xwe
Da binûse peyama me
Bê zimanê xwe ne kurdî
Bê zimanê xwe ne merdî
Ziman hişê di mejyan de
Mîna şanên di xwînan de
Giya şîn tê ji kokan de
Kurdo bixwîn zimanê xwe
Kurdo bixwîn dîroka xwe
Ger zimanên xwe ne xwînin
Çi rûmeta xwe bibînin
Bizanibin ne zindînin
Kurdo bixwîn zimanê xwe
Kurdo bixwînin dîroka xwe
Koda jîn û hebûna me
Ku nexwînin gelek şerme
Çi dimîne ji navet me
Kurdo bixwîn zimanê xwe
Kurdo bixwîn dîroka xwe
Ne tazî ne tirk û faris
Ma qey genim dibe garis
Teşyê bi kurdînî birês
Kurdo bixwîn zimanê xwe
Kurdo bi xwîn dîroka xwe
Erê ez amûdê me
Erê ez amûdê me
Her çi kesê dîrokzan bin
Bila bêtin bo min bêjin
Bo çima buhara dil û kulîlkan
Bi narîncokên agirî sotin
Da ku bersiva min bidin
Bo çima sotin
Erê ez amûdê me
Her çi kesêt hûnermend bin
Bila bêtin bo min bêjin
Da ku bizimanê gunehkaran
Ji bo min stranan bibêjin
Da ku ji xwe re bibînim ew bi çi
Hestî û çawa dibêjin
Erê ez amûdê me
Her çi kesê konevan bin
Bila werin bo min bêjin
Û doza min ji tawanên giran
Bila bijmêrin û xalek reşî din
Li dîroka mirovatiyê palvedêr bikin
Di lênûska mirovhezan de binûsin
Lê dimînim ax û av û agirim
Balindê sîmirim xetîrim venamirim
Hemî heyvên sale me rewanî û heyberim
Eger xweda ku bi pirsî sernavê kurdim
Belê ez amûdê me……..
Pêşeroj cewherî .
Serêkanyê
Serêkanyê serêkanyê
Rûmet îro serêkanyê
Yan dê hebe yan dê nebe
Dilê min ax serêkanyê
Kurdo îro şer pîroze
Welate ne partî doze
Çavê wan li ax ate ye
Dilê min ax serêkanyê
Hemî nepak û xinizin
ketin ware me didizin
koletirkin çûk û mezin
dilê min ax serêkanyê
komê çetan û nijdene
hemî dixsin dijî mene
dinav wan de hin ji mene
dilê min ax serêkanyê
pêşeroj cewherî .
sê perperîk
dinav baxên buhiştê de
sê perperlk di firln
tevn û hêviya mirovatiyê
dirêsîn
bi hemî xeml û xêzên xwe
bi nîşan û hêmayên heyberî
pirsa hebûn û nebûna xweda
dibersivandin
lê paytexta bîko ya zikreş û pûştan
derewker û sextekaran
ji kîna dilên xwe
hemî kulîlkên dibaxan de jehr kirin
hersê ferîşteyên min
hersê perperîkêt min
li encamê de nemir bûn
ma qey bêhoyî bêsincî ewqas
li ba we tixûbin
dema hûn xwe weke şaristanî
li berdem cîhanê diyar dikin
ma qey çekxorî bêmirêsî xerabî
ji dab û nêrîtên we ne
îro ew mejiyên bav û kalên we
tejanekên wan bes nakin ji bo we
ji berk u ew kurdên bermahiyên dîroka rûreş
îro nemane li ba me
lê min nizanî bû min nizanî bû
hû ji kulîlk û perperîkan di tirsin
dema hêlînên xwe digel hevdu
dirêsin hûn di tirsin hûn ditirsin
y p g
y p g hêza me ye
parêzvanê miletin
aldara doza meye
navnîşan û rûmetin
navekî bernase ye
îro her kes dizanî
bizava wan rewa ye
kes nine vê nizanî
de bêjin bijî y p g
bergirê xaka me ne
parêzvanê welatin
dostê hemî gelane
netewa demoqratin
de bêjin bijî y p g
şêr û pilingê kurdin
li her derê dibazin
xwîn ji devê wan dizê
rojava diparêzin
de bêjin bijî y p g
ji atmê ta gir koçer
teşya jînê di resin
li ser kanya xwîna sor
serbestiyê dipêjin
de bêjin bijî y np g
derefşa biratiyê
li herêma rojava
dîroka reş rawestî
roj hatiye delava
de bêjin bijî y p g
pêşeroj cewherî .
şîna ismaîl hogir
hogirê welat ismaîl hogir
ji bo jîna gel te jîn gorîkir
hogirê welat ismaîl hogir
peyama orkêş bo serêkanî
dîroka kevnar ji nû ve danî
hogirrê welat ismaîl hogir
kurên mîna te rêberên kurdan
ji xwe şerm dikin çi bext û wijdan
hogirê welat ismaêl hogir
mirin dimire jîn pê dikeve
zivistan diçe buhar d ,pişkive
hogirê welat ismaîl hogir
ez û pênûsa xwe her birabûn
bo pesnê şehîd ji hev belabûn
hogirê welat ismaîl hogir
bi helbesta xwe ev dil bi derda
pesnê şehîdan min nikarî bida
hogirê welat ismaîl hogir
lêborîna xwe dixwazim şehîd
min nizanî bidim pesnê we şehîd
hogirê welat ismaîl hogir
pêşeroj cewherî
çar şema sor
îro cejna çar şema sor
roja tawisî melek hat
daket ji izmanê jorî
îro cejna çar şema sor
ev roj dîrokek pîroze
li ser xaka heyva zêrîn
rêgeha zerdeştê kalim
hêjaya her tişt bigorî
îro cejna çar şema sor
xweza rengîn li hawîr dor
mehrecan û buhara dil
bilbil dibe civanê gul
li ser sînga şax û baxan
kevneşopên xweş diborî
îro cejna çar şema sor
xweza rengîn li hawîr dor
kevneşopên bav û kalan
di dergûşa xwe , dhejînim
tirafa mogê zagrosan
di fêrgeha min de borî
îro cejna çarşema sor
xweza rengîn li hawîr dor
landika wan şaristana
bi destê xwe min hejandin
welatê min pêşinde bû
li pey wê misr û somerî
îro cejna çarşema sor
xweza rengîn li hawîr dor
herdem di dîroka xwe de
gelê kurd wek dicle û ferat
li ser nave mirovatî
şewqa xwe da çar hawîr dor
îro cejna çar şema sor
xweza rengîn li hawîr dor
pêşeroj cewherî .
şehîdên me
tu,b xwedêke welatê min
herdu çavên xwe negrîne
şehîdên me temîn dikin
evê dozê bi şopîne
şehîd şehîd şehîdên me
dama hêsran li ser dêman
dibînim ez diherişim
wek pelên dara payîzê
rizyam ez her di weşim
şehîd şehîd şehîdên me
di demsalên zivistanan
izman hêsiran dibarîn
buhar sersaxiyê dike
li şîna xem gul dibarîn
şehîd şehîd şehîdên me
dîrok herdem welatê min
şoreşan ji me dixwazin
rûmeta her mirovatî
şehîdên me diparêzin
şehîd şehîd şehîdên me
pêxemberan welatê min
dema pesnê buhiştê dan
pîlana wan hemê tibû
ji hinga şer tê Kurdistan
şehîd şehîd şehîdên me
dais û bahsî bi hev re
êriş dikin welatê te
kurdo îro li kobanê
şer tê li ser rûmeta te
şehîd şehîd şehîdên me
xwedawenda şehîdan
arîn mîrkan li kaşê miştenûrê
bi çi zimznî te nave xwe nivîsî
ez dikim nakim tênaghêjim
dem ate destana xwe danî
miştenûrê dikeniya
arîn pêre dikeniya
gelo çima dikeniyan
ez dikim nakim tênaghêjim
min ji hemî xwedawenda pirsî
ji reben û damizrînerên zîqoratan
ji hemî mog û zaradeştan
da bixwînim destana te û têbighêjim
lê zor mixabin tênegihiştim
arîn velorînên çi ayînan bixweînim
ji bo zanibim û bidim zanîn
ez dikim nakim tênaghêjim
xwezî xwezayê caraka din
jiyan diyarî te bikira
hîngê dê peyxember nemana
arîn tiwî xwedawenda
star koç kir rêza duyemîn
îro xwedawenda şehîdan arîn
li kobanê ye erê li kobanê ye
ew dojjeha ehrîman dabaşa wê dikir
îro li gel birayên xwe yên tirkên terrorist
têde dişewitin
ew dîroka reş û derew
li kobanê îro tazî bûye
binêrin , binêrin
ehrîman û birayên xwe
li ber dergehê keleha berxwedanê
çawa mirar dibin tirk û tazî mirar dibin
ji bo bizanibin ev der kobanê ye
evder kurdên berxwedêrin
tava helbestê
tava helbestê li ser xaka jîna min
ji mêjde zûde nebariye çol û çiya zinar û Nizar
li pesarên xaknîgara jîna min
çima ji mêj de îro hişkesaliye
ez dilê kurdperweriyê bixwe me
dîrok bi destê xwe min çikiriye
ez kevnarim û kevnarî ji min venijiye
ev rewşa hişkesalî li ser min
belê ev tengezariya li ser min
ey mirovatiya bêbext ji bo çi kesî ne çêberiye
tava helbestê çima li ser xaka jîna min
ji mêj de zûde ne bariye
mane ez welatê kesk û sorim
ew şoreşa çandiniyê me
şaristan û dîrok bûm ez
kanî ji dilê min diherikîn
îro va bûm hişk û sarim
bê cobar û celalî me
tava helbestê li ser xaka jîna min ji mêj de
zûde ne bariye
ez wek dicle feratê bûm bixumxum tim diherikîm
hemî gund û şar jiyan li ber perê min ava bûn
çim hemî tevgerên min karwan û koç û koçerên min
li qiraxa jiyanek bê maf û bê wate ,rewşek barketiye
tava helbestê li ser xaka jîna min
ji mêj de zû de nebariye
dîrok zane , min genim çand
ji nanê min her kesî xwar
îro jîna min talane her kes parek jê biriye
xaknîgar û hebûna min ji dîrokê derketiye
tava helbestê li ser xaka jîna min
ji mêj de zûde ne bariye
şîna bêdawî…..[ilham]
hevjîna min dema koç kir
jiyan li min bi dawî kir
gurên xeman goştê min xwar
bi qîlên tûj hêdî hêdî
min hewar û gazî lê kir
ewê dengê min hîç nekir
jiyanê gef li min dixwar
gerdûn rawestiya hêdî
hêdî hêdî
divê bihna xwe hin vekim
eger bibe ji vir bar kim
da ku kulên xwe lê bar kim
ezê barkim hêdî hêdî
tenê rojek ji bîr naçe
ji dine ez bûm parçe
bê hêvî bûm ji xwe bêzar
xemsarî bûm bêkesûkar
kovandar bûm hêdî hêdî
hêdî hêdî
şehîdên evîna min
delal min serbara min
evîn rewş û bara min
tiwî û dê herdem tu be
egera jîn û vîna min
evîna min li gel yarê
mina gulan li buharê
weke bilbil li ba sorgul
ciwan û xweş cînara min
ez û dicle ferat û yar
xaknîgara bê dost û yar
sêgoşeya bê miradan
nalîna kûr ma hizra min
asîmanê evîna me
naçirisin sitêrkîn me
cobar û çem na xuşxuşin
bêkulîlkin buhara me
bêbuharê serêkanî
dildarê selwa botanî
siyabendê li sîpanê
her şehîdên evîna min
li amûdê
min canek dî li amûdê
wek wê nine l vî welatî
xirabe mala bêbextan
hergav û herdem û wextî
gelek ji cane hezdikim
dilan diyarî wê dikim
bila xênexwazî bimre
çi gav û çi dem û wextî
li şeva evîn û dilan
rûdêma ji şewqa çiran
here wek sîbera wê me
hergav û herdem û wextî
hizr û hestê min li bendê
xanzad û nazik û rindê
xeman û derdê te xwarim
gulbuhara vî welatî
pêşeroj cewherî.
Şehîd amed amûdê [tolhildan]
Îro şehîd heval amed
Bûya hêma dîroka med
Welatê agir û rojê
Ji bo te xemgîn amed
Hûn vî welatîne
Xewza wê bi we zengîne
Zarokên me l, dibistana
Wê dîroka we bixwîne
Ta lehengê wek te hebin
Wê gelê ne blindest bin
Ji ber win agir û rojin
Dijmin her dê li bin pê bin
Axa we bixwînê lêkir
Neyar nema wêre bê ser
Ew dilên we hêvî lê çand
Hevrê yên we xwedane ber
Heval amed bo şehîdan
Min û pênûsa xwe levdan
Dikim nakim bê zimane
Naxwêne tamarê hestan
Efrîna min
Ey çiyayên kurmanca xewdawenda baxê zeytûnan
Peristgeha welatê agir û rojê
Dibistana avista xabûr û barîn kobanê
Hemî destan û berxwedan li himber te şermokin
Ey efrîna min dayika xwebexşan
Rûgeha xwedawendan…..
Îro neviyên wan tazî û toran
Di nav tîna kela vîna te de bê şûn û ser dibin
Ey şaha berxwedana serdemêma
Mane tiwî kîna dilê hemî kurdan e
Ey efrîna min
Diserdema rûmet û azadî ji hêla
Her kesî ve bê rêz û bê mires dibû
Te aldara rûmet û berxwedana serdemê
Ji hestiyê şehîdên xwe li pênava hemî mirovatiyê
Te li ser çiyayên kurmanca da çikand
Ey hêviya hemî karwan û rêwiyên ber biroja
Azadî Û rûmetê ve diçin
Ey gemiya hestê mirovatiyê efrîna min
Li ser derya bêdengiya hemî mirovatiyê
Ey efrîna min
Ezê herim ser lotika çar çiyayan
Da ji bo te çar sorgulan bi çinim
Ezê birûmet û rêza hemî xwedawendan
Ên gelê arî û mezra botan
Ezê xeml û xêzan ji te re çêkim
Da ku karibim bi dilekî hîn nerazî
Diyarî bejn û bala te bikim
Diyarî berxwedana serdemê bikim
Ey efrîna min
Gelo ne şerme ji bo min
Ez bi helbestekê beşdarî
Evê govenda te bibim
Ez bawer nakim , eger tu vê webala min
Biborîne tica ez karibim evê şermê
Ji ser xwe hilînim, ez gunehkarim efrîna min
Efrîna min
Ez bi serkevtina te bawermendim
Egr bi ahê zarok û dayikan ma be
Ege bi ahê darên zeytîna pîroz ma be
Efrîna min tiwê biserkeve .
Mirada bê war
Ez hîn dilbend û sozdarim
Çavim li bendî yarê me
Belkî carekê miradan
Xwedê şa bike ware me
Were hey mirada bê war
Evîna lê nebûm civan
Gelek şerme bihar were
Nebînim te li nav gulan
Her êvar ku bayê xweş tê
Birînên kul di axivin
Wk deşt û zozanên bê av
Dar û ber lê napişkivin
Kevirên çiyayên felek
Gula li ber dil şikandin
Hêviya destê xwe şûştin
Jiyan li min wergerandin
Şira jiyana bi delal
Herdem şewqa wê ji te bû
Hêlîna heyîna min lê
Bersîka mijankê te bû
Êro li dora roja min
Dunya nema dizîvire
Maye hêsir ji çavê min
Bênavber tên xwîn jî pêre
Ezê bigrîm ta ku bigrîm
Bila kwîrbim bê te yarê
Lava dikim mekin gazin
Ji hemî lank ul tên xwarê
Tubaya min
Hêsirên dil û herdu çav
Jî li benda te va borî
Hema weke gulnesrînê
Salê carek ber mid werî
Dema çavim te dibîne
Baran ji xweza dibarî
Gul û rîhan pê vedibin
Xunav biser dil dibarî
Ma gelo tê her hisret be
Wek birînek tim axivî
Herdem xwîn wê ji te bizê
Xew bi çavê min ne kevî
Ger ji eşqa te dil tîbim
Venaxum ava kewserê
Tasek ava dîtna zelal
Can ji min bistîn himberê
Ezê kengî li gel te yar
Bibim mêvanê vîna dil
Hîngê bihar bixemile
Li nav daran gul û bilbil
Li ser baxên evîna dil
Zivistan ne bê dawiye
Nêzîk bûye tubaya min
Dara wê va xunc girtiye
Payîzek xem
Min digo qey ev dilê min
Herdem wê bi te,r bimîne
Lê min nizanî bû cane
Rojkê tê min bixapîne
Min bi teşya evîna te
Gelek xewnên xwe pê rêsî
Lê Mixabin min nizanî
Sozên te weha bêrêzî
Dema sozên xwe bê rêz kir
Pişta xwe da min û meşî
Ez jî bûm wek pelê çilo
Berî wexta xwe de weşî
Bîranên te yara min
Payîzek xem bê dawiye
Ji ber êşa te dilê min
Bihar tê de vemiriye
Bawer nakim careka din
Bihar li min bipişkive
Heta xem û xeyalên te
Bi ber çavê min bikeve
Şivanim ez
Şivanim ez evîndarim
Pezê xeman diçêrînim
Mêvanê heyva şevê me
Wêneyên yar tê dibînim
Dema xelk di kevin xewê
Xemên xwe dibim şevînê
Bi şev pêde biheyvê re
Birînên kul dikewînê
Ji ber êş û tîna rojê
Ketim bextê şev û heyvê
Min rizgar bik ji ber rojê
Kî guhdare li vê peyvê
Berê ez lawê rojê bûm
Îro hezkiryê şevê me
Ji bo eşqa te dilberê
Penaxwazê tariyê me
Şivanim ez birîndarim
Dermanê min dektor zana
Kengî dora min dê were
Nesaxim pir derd û jana
Pêşeroj cewherî
Piştî deh sal ji evînê
Piştî deh sal ji evînê
Yar dibêje mi tu kî ye
Îro li ber min di meşe
Xwe dikî min tu ne diye
Ey ho yarê ev çi bexte
Ev ne rêkarên dostane
Bikuje min bi van derdan
Naxwazim bê te jiyane
Gava dilber bibin bê soz
Dildarên xwe bixapînin
Bihar çima bipişkive
Bilbil ji bo kê bixwîne
Bi sûnda wê bisk û gulî
Evîna xwe bi parêze
Jana te xwe berda dilî
Çima sozên te bê rêze
Evîn li nik te ne raste
Da li min guhdarî bike
Hêvî tevde bûne xwezî
Yar konê xwe ji dil rake
Pêşeroj cewherî
Li xurbetê
Tirsim li xurbetê bimrim
Welatê xwe ez ne bînim
Dil bibe gora hisretan
Nebînim ware şermolan
Dema bixurbetê ketim
Bûm kerengê ber bê ketim
Dil û cane min şikestin
Hêsir ji xwe tên bê rawestin
Kes hêsirê min nabîne
Dil û hinavim digrîne
Li xurbetê birîndarim
Tenê me bê kesûkarim
Kê em çol û bêlan kirin
Bê welat û xerîb kirin
Welatê me xêr û bêre
Bo her kesî lê nej me re
Lewra îro em bê warin
Xerîbin bê kesûkarin
Xwedê ne hêle zorkeran
Felek serê me wergeran
Pêşeroj cewherî
Dîmen zêrê
Awir şêrê dîmen zêrê
Çiqas pesnê xwe zêrîne
Li ber bihna min gulave
Delal û çak û şêrîne
Gava ew li min dinêre
Awirên wê pir bi tirsin
Hest û nestê min dinêre
Goşt û hestî me ne hesin
Tê bimîne armanc min
Birîna kûr a dilê min
Her ji bo min bûye hisret
Li vê dine serbara min
Ger ti bikarî bijmêre
Van sitêrkên li ezmane
Hîngê tê bikarî canl
Vîna min bo xwe bizane
Ger ti bikarî bijmêre
Masiyên van çem û deryan
Ew çax tê bawer bike can
Gul û rîhan bot e weşyan
Pêşero cewherî.
Çi bikim ez
Ger dibaxan de bê gul bim
Ji her kesî ve bê mil bim
Hîsir û kovan û kul bim
Gelo çawa çi bikim ez
Li warê min bê kene buhar
Ne bi roj û ne bi êvar
Gazin li bê rê nake têkar
Gelo çawa çi bikim ez
Ger bira ne birasoz be
Tiştek li ba ne pîroz be
Bê soz û cejn û Newroz be
Gelo çawa çi bikim ez
Rêberê me ne rêzan be
Pêşnimêjê me nizan be
Kelekvan ne melevan be
Gelo çawa çi bikim ez
Li gundê me tê zivistan
Dixemilin çol û çiyan
Lê nameye şîrê mihan
Gelo çawa çi bikim ez
Pêşeroj cewherî.
Bawer nakim
Bawer nakim careka din
Bihara dilê min were
Wek çemê ku diherike
L,kaniya xwe venagere
Bawer nakim serbare nin
Jiyan dîsan bigirnije
Wek pelên dara biweşe
Dil maye kul bê dilbere
Bawer nakinm delala min
Bi çavên xwe te bibînim
Mîna gulan te bîn bikim
Li min ew hisret serwere
Hisreta min zor girane
Kesek derdê min nizane
Ezê barkim ji vî warî
Madem yarê ne li wire
Ezê barkim şevek bê heyv
Guhnadêrim çi got û peyv
Vehêlim welatê derdan
Bila çi,b serê mid were
Pêşeroj cewherî.
Min xêr nedît
Li vê jînê min xêr nedît
Ne ji dê û ne ji bava
Roj biyek carê hilnebû
Ta ku li min biçî ava
Min xêr nedît bextê reşim
Pelên payîza di weşim
Ji xelkê re bihar û bêr
Şivan pez anî delava
Min xêr ji bo her kesî xwest
Tenê îro bê parim ez
Li gel biratiya me xwest
Nedan me rêz û silava
Ger bixwaze rastiya min
Bi xwîne vê helbesta min
Hêvî dikim tê bighêjî
Kê em xistin xap û dava
Ger tu ji min bi pirsî
Çawa ristê min bi xwînî
Gelo ke ez çi dibêjim
Pêncsed sal piştî silava
Pêşeroj cewherî .
Naxwazim ez
Naxwazim ez te bibînim
Ji ber çavên xwe bitirsim
Ew raza dil bo te bêje
Ez li heber vê berpirsim
Li gundê me tu dizanî
Gelek xêrnexwazên me ne
Mane rind û delala min
Bi vî derdê xwe bê kesim
Ji serdama min nas kir tû
Yek kul û derdê min tu bû
Îro ji ber te lala min
Çibkim biqels û nebesim
Gelo çima dij vîna me
Dinya tev radibe ser xwe
Berê ez dildarê te me
Ji eşqa te teşîrêsim
Ezê ji bo evîna te
Şev û rojan bigînim hev
Rizgar bikim te yara xwe
Xemla biXwînê birêsim
Pêşeroj cewherî .
Pênûsa min
Pênûsa min pê nikare
Helbesta dil binivîse
Xwedê tenê zane yarê
Rista vîna min birêse
Li bende te ,emir borî
Dîtina te her xwezî bû
Lê mixabin evîna min
Îro çima bê hêvê bû
Helbesta min nayê nivîs
Ji vî dilê min der nayê
çibkim ji vê hisreta xwe
derman li derdê min nayê
li himber vê evîna te
ziman lalim ji ber çendê
tiwê derdê min li jînê
naz û rindê xwedabendê
dema nave te dixwênim
çar alî pê dilerizin
hey dergûşa evîniyê
cîhan bê te mij û tozin
pêşeroj gewherî .
evîna xelkê
egerên xem tên serê min
hemî ji ber dilê mine
her çi rê ku dane ber min
derketin tev korerê ne
evîn ji bo xelkê geşin
li esmanê evîndara
dema bi şev di çirisin
li pêş karwan û rêdara
li gundê me evîn şerme
gidyano bo , ji mir bêjin
bawer nakim mebesta dil
kesek ji me têbighêjin
belê li gundê me yarê
şîrê miya jî nameye
gelo roja li esmana
dibe ew jî ne ya me ye
divîna min xema nexwe
gava kulên xwe dijmêrim
bawer bike evîna min
jiyanê bot e dibhêrim
pêşeroj cewherî.
Birîna kul
Evêna dil birîna kul
Bo min her şadî û şîne
Herkes pêzane kula min
Bes haye te ji min nine
Kî nizane li vê dine
Evîna dil ji bo te yar
Bawer bike ji bê y ate
Dil bêwarim bê kesûkar
Yekem pirsa xelkê ji min
Gelo ma ji te hez dikim
Ew ditirsin ji eşqa min
Nemaze ku diyar bikim
Dilber îro neyarên me
Dixwazin ware te berdim
Ware min ew sînga te ye
Tak ji pora te bernadim
Divên dûrî te bikevim
Dîtina te bikin xwezî
Li vê dine penaber bim
Bê xwedî weke pezkovî
Pêşeroj cewherî.
Dem bihurî
Dem bihurî jî qediya
Xwezya li bendê bûm nehat
Roja li nik min hêvî bû
Ew li ku ma gelo nehat
Ji mêj de ez li bendê me
Li dil dîsa roj ne hilat
Xeman û hisretan sotim
Wek mendê sîpanê xelat
Nema zanim bûye çend sal
Bi vî rengî jî bihurî
Delala min gelek bo min
Bi hêsirê min re girî
Kesî weke min bimerdî
Ji bo yara xwe neda pêş
Lê mixabin dil bidawî
Bû warê kulmal û xemkêş
Ez bûm xemkêşê cana xwe
Delal û naz û rinda xwe
Belê bûm gemiya derdên
Xemên derya ilhama xwe.
Pêşeroj cewherî.
Rêwiyê du çavên reşim
Rêwiyê du çavên reşim
Bi şev û roj bê rawestan
Dev û çînên garden bixal
Li nik min pir buhane can
Min gelek xwazgînî şandin
Bo xwedana du çavên kal
Lê mixabin cegerxwîn bûm
Yan jî dilbirîn bûm delal
Gava ketim rêya çavan
Sawa evînê çi girtim
Îro ji bo vê eşqa dil
Revendekî bê welatim
Firarê herdu çava me
Ji ber vê çendê bêzarim
Dixwazin dûrê wê herim
Lê vê yekê ez nikarim
Ew dixwazin mem û zînê
çarenûsa her evînê
evîndarên me bêmirad
bimrin bi hisreta jînê
pêşeroj cewherî.
Ezê li kur te bibînim
Ezê li kur te bibînim
Bêje min da ji bo herim
Îro ji ber dûrî te me
Serxweşim bê ser û berim
Serxweşê evîna te me
Ji xwe ev dil tijî xeme
Tu,b xwedêkî were nik min
Dil bikul û bikeserim
Çima ez wek hevalên xwe
Naghêjim ya ber dilê xwe
Ma qey nifir li min bûye
Li jîna xwe bê sîberim
Jiyan bê wê gelek zore
Weke xweda ew li jore
Xweda bixwe hezkirine
Di vê rê de sofîgerim
Di vê rê de pir bi sozim
Wek rewşa bê mij û tozim
Ji xwe ji mêj de sozdarim
Ji vîna xwe venagerim
Pêşeroj cewherî .
Jiyana bê Kurdistan
Vîna dilê min tu kes nizane
Çavê min digrî hêsir nemane
Lê çi bibêjim ji kur dest pêkim
Dawiya dinê li min fermane
Dawiya dinê li min rabûye
Kêfa neyaran bi min şabûye
Axîm û gazî li dû guraye
Kul û derdê min nehênî mane
Kul û derdê xwe çi car nabêjim
Ezê barê xwe bi xwe rahêjim
Hey feleka min dijmin û xayin
Bare xwe danî li ser barane
Kesûkarê min pût û latê min
Bi serde evîna welatê min
Gelo bo çi kes dengê mi nake
Ji ser min rakin xem û kovane
Roja evîn me nekir karê xwe
Derketin em tev her ji warê xwe
Îro dibêjin me bê welatin
Mixabina jîn bê kurdistane
Pêşeroj cewherî .
Ji xemên ilhama dil
Ew hêza dil bê hêvî kir
Gelo kare ava bike
Careka din hêviya min
Bi jiyanê ve şa bike
Heger min zanîba xape
Kêfa dil tê bike girî
Min gul û bax ne diçandin
bi ser de bê bayê kurî
ew hêza dil bêbihar kir
gul ji baxê min weşandin
ketim derya bê rex û pî
çeng û perê min şikandin
bîrdariya te cana min
xeman hestê min givaştin
xwezî te zanîba yarê
çawa kula venehiştim
aho xwezî te zanîba
te çi,b serê min aniye
ji xemên te ilhama dil
hemî rojê min giriye
pêşeroj cewherî.
Ezê çawa
Ezê çawa demên berê
Careka din vegerînim
Bihn bikim wê heman gulê
Li ber pozê xwe bibînim
Daxwazek min bi vî rengî
Gelo ji kê ve bixwazim
Can û hestê xwe melûkim
Perda çi şêxî,b hejînim
Buhara min bûye kavil
Bilyane jê çûk û bilbil
Xem û bê dengî serwerin
Payîzek reş pel weşînim
Îro dem bê delala dil
Mîna xweza bê rez û gul
Rastî bixwe nema zanim
Gelo saxim yan bê jînim
Rojên bê yar ew ne demin
Bi ser hev de kul û xemin
Jiyan dibe mij û mûran
Helbet nema xwe dibînim
Plşeroj cewherî.
Xanima dil
Xanima dil temen borî
Evîn ji xwe bo me şerme
Eger em behsa xwe bikin
Wê kî guh bidêre li me
Xanim çiqas jî diborî
Dil pêre hestiyar dibe
Lê mixabin civata me
Li gel dil ew ne hevdeme
Emê ji kê bikin gazin
Da vê doze jê bixwazin
Li benda kê bikin hêvî
Hêvî ne bê tov û leme
Xanim bixemla mîtanî
Were carek bi serdanî
Ger li me hûn bikin loma
Hîngê ji bo me ne xeme
Evînî her wek kaniye
Dil çendî jê vxwe tiye
Bihara her kesk û şêne
Tim bi dilê xwe pê re me
Pêşeroj cewherî.
Hesekê bajarê[ 121] şehîd
Hesekê eş û birîna dile
Birîndar ji xwe êşa xwe zanî
Bo parastina xelkê cîhanê
Sed û bîst û yek şehîd me danî
Hesekê bixwîna xwe nivîsî
Helwesta xwe bo her kesî ron kir
Peymana dais û tirk û behsî
Bigurzên gelên xwe tar û mar kir
Hesekê banga hemî gelên me
Bi her zimanan wê çepik lêdan
Dayik bigirî hem bi tilîlî
Bimre koletî bijî Kurdistan
Hesekê dê her û her bimîne
Xar û stiriyê çavê dijmin be
Bîrdarî ji bo wan şehîdên me
Bîstê çileyê paşî bik şîne
Hesekê xwîna bav û birên me
Hisirên çavên hemî gelên me
Serdem zivistan bager û barîn
Miçiqîn kanî û delavên me
Pêşeroj cewherî.
Dema ilham
Dema ilham çav kil dikir
Dinya hew têra min dikir
Gava dîrok li me pirsî
Derî me lê venedikir
Şadî ji bo me tenê bû
Buhar herdem li bejnê bû
Destê me,l hev em dimeşîn
Gula ji me fedî dikir
Buhara me gelek xweş bû
Bîst û çar sal li pey hev bû
Felek li me çep zîvirî
Payîz ket şûna dest pêkir
Lê vîna me cejna dilan
Bûye mezara bilbilan
Li pêjna me van bilbilan
Evîna xwe pîroz dikir
Evîna me weke cûdî
Gemya nûh lê cihê xwe dî
Em wek axa pak û evra
Peyxemberan lê nimêj kir
Plşeroj cewher.
Gelo kê dil
Gelo kê ev dil kuştiye
Hiş û sewda tev biriye
Ji her kesî bêtir zane
Xwedana bejna periye
Tiwî êşa hinavê min
Gelek hejar bû hale min
Bûye weke şevek bê heyv
Ronahiya dil biriye
Ronahiya dilê xemgîn
Yarê nabe bê te evîn
Jiyanek bê kêf û şadî
Şev û rojê min giriye
Were hey naz û şêrînê
Pîroz bikin vê evînê
Peyman bide biguliyên
Gulav biser de kiriyê
Gulav bihilma te xweşe
Wek buhara gul bi weşe
Lê mixabin ji dest min çû
J,Du hezar ,hivdê boriye
Pêşeroj cewherî.
Bila piştî te wêran be
Pêla xemên te danabe
Dikim nakim ra lê nabe
Ku ne,b destê te be canê
Cane birîn derman nabe
Pêla xemên te mezine
Weke derya bê keviye
Bihurmîne bê hedare
Bi çavan xew nakeviye
Derman xemên te bêkêre
Wek rêka dirêj û dûre
Kes napirse li bare min
Barê min birîna kûre
Barê min ew dilê xemdar
Dê çibkin hekîm noşdar
Mesîhaya dilê min bû
Lê ji destê min derket yar
Îro ,j ber çavan ketiye
Dest û hestê min rixuye
Bila piştî te yara min
Cîhan tev de wêran bûye
Pêşeroj cewherî,
Hefta lehengî
Li kurdistanê du nave şêran
Mezlûm û egîd Bûn şan û mînan
Herkes nikare rahêje navî
Bilinde mîna du rêze çiyan
Rêzeçiyayên zagros û toroz
Himber wenizme kawayê Newroz
Heyva adarê bo we hêmaye
Pîroz be li we dîrova şêran
We ji nebûnê hebûnek da pêş
Welat roja xwest bi can we da pêş
Xelkê serdemê hin bêbawerin
Navê rastiya we dikin efsan
Hefta lehengî hersal li ba tê
Dijmin ta niha maye li mate
Gulla yekemîn we berdaye kê
Kurdên kevneşop yan sînga toran
Toranên îro ketin axa me
Xwezî bi axê ketin mejyê me
Ev reng koletî weke mirine
Rêya me kore tev mij û mûran
Pêşeroj cewherî.
Sê perperîk
Di nav baxê biheştê de
Sê perperîk di firîn
Tevn û hêviyên mirovatiyê
Di rêsîn
Bihem û xeml û xêzên xwe
Binîşan û hêmayên heyberî
Hebûna xwedê ji ne bûnê
Diçesipandin
Lê paytexta bîko ya zikreş û qehpan
Derewker û sextekaran
Ji kîna dilê xwe yê reş hemî baxên
Di biheştê de jehr kirin û her sê perperîkên
Min nemir bûn
Ma qey bê hoyî bê sincî ewqasî
Li nik we bê sînorin
Dema hîn dibêjin em mafê mirovan
Di parêzinma
Ma qey çekxorî bê mirêsî û xerabî
Ji nirxên we ne yan ji dab û nêrîtên we ne
Bizan ew mejiyê bav î kalên we
Nema bes dikin ji bo we
Ji berku ew kurdîn dêroka reş
Îro nemane li ba me
Lê min nizanî bû hûn ji kulîlk û perperîkan
Ditirsin dema hêlînên xwe
Bi hevdu re dirêsin hpn ditirsin
Pêşeroj cewherî .
Xemên ilham
Derya xemên te pêl bi pêl
Ji hembêza te dûr kirim
Min diviya li ba te bim
Lê pêlan ber pêlan birim
Derya xemên te pir kûre
Dikim gazî ,gazî dûre
Ma qey kesek mi nabîne
Di jîwera xwe de mirim
Derya xemên te hêsirin
J,herdu çavên min dibarin
Bûya çend sal bi vî rengî
Dilo bese ne kevirim
Ezê çawa bibim kanî
Da ku her kes pê bizanî
Li ber kulên xwe biçînin
Berî ji vî warî herim
Ware bav û kale mine
Dilber wêran kir li mine
Gelo hêvî li ku maye
Biçim li xwe da bigerim
Pêşeroj cewherî
Ilhama min bû
Dilgeşê xortê gunda bûm
Dildarê hemî dila bûm
Bihna giyak û gula bûm
Bi kenê me dibû bihar
Bi kenê me,r di pişkivîn
Baxê gula deşta evîn
Çem û kanî di herikîn
Bilbil dixwend bo min û yar
Bilbil dixwend awazên me
Bi çanda herdu dilên me
Di xemilî dîmenên me
Bi dengê pezçêr û cotyar
Pezçêr û cotyarên me ne
Rencberên welatên me ne
Belê ax û latên me ne
Min û yarê me çandin dar
Dara evîna mezin bû
Yarê eşqa min û te bû
Nave wê ilhama min bû
Çi bêjim wê bar kir ji war
Pêşeroj cewherî.
Şûnwarên me
Canê zelal û şirînê
Kaniya av diherike
Sûlava şîrê sipiye
Têr nabe çendî fir bike
Baran dema li payîzan
Dibare bihna axê tê
Canê evîna me çima
Ji dilên me sed axîn tê
Kaniya me jê fir kirî
Nema pêjna te lê dikim
Raz û xewnên me têkel bûn
Gelo ezê bê te çibkim
Bikîjan avan de herim
Şûnwarên me diponijin
Hîn ji bihna min û te yar
Velorînên me dibêjin
Velorînên dilbera min
Delal û xemrevîna min
Heta saxim li vê dine
Dê her kul be birîna min
Pêşeroj cewherî.
Ez nizanim
Bawer bikin ez nizanim
Gelo saxim yan mirî me
Çima ji min bawer nakin
Bê yara xwe bê xwedî me
Bawer bikin ev rewşa min
Ne gotinên helbesta min
Çima wilo bê guhdêrim
Ma qey mirovê kovî me
Bawir bikin hêviya dil
Bû bar û piştî li ser mil
Çima ji min bê bawerin
Mirada bextê ketî me
Berê pîşiya gotîne
Gir bi destê xwe buxrîne
Dilê min hey kurê jaro
Piştî yara xwe sêwî me
Piştî çavê wê reş bînim
Dikim nakim xwe nabînim
Dixwazim ji xwe birevim
Lê teyrê bê bask û pî me
Pêşeroj cewherî .
Têlî xan im
Têlî xanim hêviya dil
Jiyana bê te kesere
Cîhan ji xwe bê te nabe
Wek payîza kal û zere
Têlî xanim bihara geş
Berî dama xwe hilweşî
Jiyana ku ti bixwe bû
Mixabin tev de herişî
Têlî xanim çivîka me
Nema tê ser hêlîna xwe
Li pey we bêkesûkar man
Tenê digrî li hale xwe
Têlî xanim tê bîra min
Gava bi hev re di meşîn
Sorgul ji bo me vedibûn
Ava îeman ne dixuşîn
Têlî birîna bê derman
Xwediya çavê reş bê kil
Îro bê dil û mejî me
Jiyana min bûye kavil
Pêşeroj cewherî .
Bê dilim ez
Bê dilim ez bê rewanim
Mîna ji bo kula warim
Piştî cana xwe bê canim
Civata bê kesûkarim
Jiyan xweş bîn û bibîne
Gelek şirîn û pir çake
Çavê min hawîr dibîne
Tiştek dilê min xweş nake
Dê çi hêvî bipişkivin
Dem û dewran ne zîvirin
Ger bigirî ez pir girîm
Diyare jîn pûç û vire
Çem bigirî biherikin
Agirê xem venamirin
Yarê pêla hizr û bîrên
Te hinavê me tev sotin
Li ser textê birîna kul
Evîndarê te nexweşim
Mesîhayê were ser min
Bawer bike gelek dêşim
Pêşeroj cewherî .
Nikarim ez
Nikarim ez xweş bikim dil
Ku li dine hêvî maye
Ma dibe xwe bixapînim
Dermanê derdê nameye
Ma neyarê jîna xwe me
Ji hêviyan bikim hêvî
Yan neyarê zîna xwe me
Ji bîr bikim bi çi hêvî
Agirê nav dil vêketî
Zerya hêmin pê nikare
Ji ber vê çendê binalim
Dil bi sed êşa pêkare
Dipirsin bo çav digirî
nizanin bo kenê dawî
çavê şil ji dilê kulin
axîn ji destê bedewî
axîna min bê wijdane
ketî laşê min dêşîne
gelo li kê bikim gazî
derman ji bo min bişîne
pêşeroj cewherî .
Geşxewn
Bêjin ji bo xwe çi bikim
Yara dil da ji bîr bikim
Bîst û çar sal ji emrê xwe
Ezê çawa jêbir bêkim
Bîst û çar sal birastî re
Bi jiyana xwezayî re
Ez têr nebûm ji çavên wê
Mam bi hisreta xwezî re
Can bê evîna dil tiye
Pêta evîn dil sotiye
Sîbera hizr û bîra min
Bi dû geşxewna ketiye
Periya biheşta jînê
Ciwana dil sitya zînê
Tu,b xwedêke were ser min
Da sax bike vê birînê
Birîna min bi destê te
Dirust nabe bê destê te
Ava kewserê venaxum
Bila wêran be jîn bê te
Pêşeroj cewherî.
Eger bihar
Eger bihar bê te were
Bizane bê şerme yarê
Çawa kulîlk bê te vebin
Bihna te jê nekim yarê
Buhar ji xwe bê te nine
Herdem payîze xemgîne
Tev ku rewşa min tu zanî
Hîn ji ya xwe nayê xwarê
Sûnd bi bisk û guliyên te
Ji bîr nabe evîna te
Pêla êşa li dilê min
Bilind dibe her êvarê
Her ji ber êşa te gêjim
Dikim nakim bi tenaghêjim
Pirsa min wê sermedî me
Kê em ji hev kirin yarê
Erê hewnaz û rinda min
Perwîn û gula gunda min
Te ez wer bitenê hiştim
Çima gidyano hawarê
Plşeroj cewherî .
Xwedawenda min
Xewdawenda mine herdim
Bi ola wê bawermendim
Heta rojek jiyana min
Evîna olî neberdim
Evîna min ne ji rêze
Rengê ayînek pîroze
Tewtema bo min birêze
Bi male dinê tev Nadim
Ilhame pêjna xwedê ye
Periya nav biheştê ye
Weke gula ser latê ye
Ez bi hilma wê çi şadim
Evîna wê weke raze
Dilê reben bê amraze
De were tim bixem raze
Zanibe ez bê miradim
Pêşeroj cewherî.
Bexrreşim
Birîndarê te me yarê
Bljna te bon ema tê min
Warê pêjna te lê nekim
Nama dibe welatê min
Yarê bê te biyanim ez
Li tenişta dê û bavan
Naxwazim kes min bibîne
Rênekin bo min silavan
Perîşanim bê sewda me
Demên min tev de çep gerîn
Hindo bawer bike ji min
Hemî rojên min bê kêrin
Gava te tine bîra min
Hêsir xweber diherikin
Bê zanînim xwe nabînim
Li hember min rê hirikin
Dilber wer ji min diyare
Ezê her xemgînê te bim
Bila xelkê me çi bêjin
Ez dê her bextreşê te bim
Pêşeroj cewherî .
Min nizanî
Min nizanî min nizanî
Wilo bê vîna te nabe
Min nizanî li cîhanê
Jinek din wek te çênabe
Min nizanî ev dilê min
Wê bitenê her bimîne
Dê kes nebe derman bike
Kuştiyê te çavêt kale
Min nizanî ez nexweş bim
Wê kes bi ser min ne kevî
Wê şevên min pir dirêj bin
Bibin wek derya bê kevî
Min nizanî piştî te yar
Malim li malan bigerî
Xewnên şirîn bi dawî bin
Min ev ne dikir bawerî
Min nizanî ezê bê te
Bibim diljarê vî warî
Yarê kê nifir li me kir
Xwezî têkevin vî halî
Pêşeroj cewherî .
Zimanê dil
Ferhenga te zimanê dil
Têra evîna wê nake
Ezê ji ku bînim bêjan
Besî bejn û bale bike
Şemala wê xwedaniye
Weke roje dema hiltê
Li hizreta wê de lalim
Bihar ji xweş bihna wê tê
Yarek wilo birêz û naz
Bê xatir bê vîna min çû
Bar li cane min wê bar kir
Felek bê bext û kavil bû
Bi hisret û nalîna te
Dilsozê te her bimînum
Bicare te ji bîr nakim
Heta roja serî dînim
Ez dê çawa ji bîr bikim
Rûdêma te qitik çava
Yarê derdê te giran in
Sûnd bişehîdên rojava
Pêşeroj cewherî.
Dil û dilber
Ketim navber dil û dilber
Li min herdu diçînin xem
Dikim herim penaber bim
Warekî bê zor û sitem
Dil maye wê bibîr bîne
Kavilên me li şûnwaran
Li gundê evîna me yar
Tenê mam li ber dîwara
Ber dîwarên bê can û dil
Buhar û hêvî kizirîn
Bûye çend sal bi vî halî
Bûm ware xem lê hêwirîn
Belê ez bûm warê bêdil
Hew biken jîn dipişkive
Wek gundê ku bê şênî be
Jiyan bê pijin û xave
Lê mixabin pênûsa min
Nizane ya dil bibêje
Ji ev kul bêjimarin
Wê bêdem bêj û biblje
Pêşeroj cewherî .
Gelo heye
Yarê çavên min nabînin
Yan ti bixwe ne diyarî
Mane ji bo xatirên te
Rûniştî me li vî warî
Eger ku ti ne li vir be
Kengî sebra min bê te tê
Cihê pêjna te lê neyê
Xerêbim ez li xurbetê
Felek wê li bextê me da
Destê min û te ji hev kir
Buhara li pesarên me
Nema hûr baranê lê kir
Sorgulên me bidesta çand
Îro ji dîtna te tînin
Lê mixabin delala min
Neya li hîn bi kîn in
Îro ejî nema zanim
Canê êdî bi ku,d herim
Gelo heye careka din
Li wê xewna xwe vegerim
Pêşeroj cewherî.
Dikim ji derda
Dikim ji derda birevim
Bi çol û polan rêkevim
Belkî ji hiş xwe bikevim
Ji bîr bikim te periyê
Ez nizan im bi çi rengî
Bimîne hiş heta kengî
Ji xwe dem pir ne giringî
Li jîna bê te zeriyê
Li nik min herdem ho yarê
Xunava rijtî buharê
Bihna kulîlkên êvarê
Xeyala derdê zeriyê
Çavên min li hawîr dore
Hergav li bendê me were
Lava dikim ji xwedê re
Dîsa bibînim bêriyê
Bêriya min gula rez bû
Şivana ber dil û pez bû
Gelek dilpak û nebez bû
Jiyan û sewdan biriyê
Pêşeroj cewherî.
Tê bîra min
Tê bîra min li nav baxan
Bilbil ji bo me serxewş bûn
Pênexweşên me dinêrîn
Li me herdem çav nebar bûn
Têbîra min delala min
Li nav zadan em dimeşîn
Sira bayê hinik dihat
Kulîlk bi ser me diweşîn
Tê bîra min te digot min
Binêrin şalûl dixwînin
Govenda şilêr û gulan
Ji kêfa me bi evîn in
Canê îro ev canê min
Ji bo bîrhatina tiye
Qulingê bask birîndarim
Dûrî refax we ketiye
Pêşeroj cewherî.
Bihna yarê
Canê,j bihna te buhare
Gul ji rengê te guldare
Sorgul ji lêva sordare
Çibkim pesin têrê nake
Gava ku ez wê dibînim
Kul û xemên min namînin
Biheşt û mêrg û solîn in
Di nava dil di herkie
Bayê bihna wê pir xweşe
Dema ji kezya bi weşe
Sibeha ku jê baweşe
Destê min jê ne.d bû rabe
Lê îro bê dil û çavim
Çong şikestî me bê gavim
Ji bo hemî derda ravim
Gelo hey ekes min rake
Na kes nîne bê hêvî me
Ji her alî ve sêwî ma
Ji dora xwe re şahî me
Yarê çûye min his nake
Pêşeroj cewherî .
Buhara bê gul
Çendan xunavî bikeve
Bê te xweza napişkive
Herdem ev dil biaxêve
Weke bihara bê gule
Gelo heye bi te bighêm
Têra xwe ez te bihn bikim
Hisreta dil pê ve bikim
Bexçê gula bê bilbile
Dil ji ber evîna tiye
Mirad û her xwezî tiye
Bi xemên xwe te kuştiye
Hêla me bê pişt û mile
Îro ez dîn û bê dîn im
Dilbirîn û cegerxwîn im
Digerim lê te nabîn im
Dermanê birîna kul im
Ez li cîhanê bigerim
Bi her alî ve de herim
Li her çi jinê binêrim
Tenê tu xwestiya dile
Pêşeroj cewherî.
Çima yarê
çima dilê bê guneh yar
Bi evîna xwe sotiye
Carekê ne gotî bine
Vîna mi, j ar û pêtiye
Çima yarê çima yarê
Çima yarê hêviyên me
Ne pişkivîne carekê
Belê ware xemkêşa me
Mem û ebdalê zeynikê
Çima yarê çima yarê
Çima yarê newêrim ez
Dil û hestê xwe bibêjim
Gelo ezê çawa bikim
Welatê lê ker û gêjim
Çima yarê çima yarê
Çima evîna jiyanê
Li pêş çavên me reş dikin
Lê bes viyana mirinê
Li ber dilê me xweş dikin
Çima yarê çima yarê
Çima xelk çûne merîxê
Hîn li me çarçefa reşe
Mixabin rojhilata me
Rênasî qiralka reşe
Çima yarê çima yarê
Pêşeroj cewherî .
Ne ji dil
Ne ji dil ji te hez dikimç
Ne bi mejî hizra te dikim
Dil û mejî têrê nakin
Bi rihê xwe , j te hez dikim
Rojekê dil wê raweste
Hişbîra mejî bi beste
Lê rih dimîne her û her
Evîn bi sermedî raste
Evîna me diherike
Kaniya tî jê fir dike
Bi her zimanî pesnê te
Çiqasî bêjim hindike
Dema ku min pirsa te kir
Pênûsa min xwe darvekir
Ji ber xewn û xeyalên min
Besî bejn û balê nekir
Ezê çibkim xewn û xeyal
Ketim derya du çavên kal
Pora reş biser milan de
Wek sûlavên çemê bê xal
Pêşeroj cewherî
Şeva dilê min
Şeva dilê min zîz bûye
Çima sitêrkên wê ranazin
Dibe îşev mem û zîne
Eger heye ne bê razin
Yarê yarê herdem yarê
Eger îşev mem û zîne
Dilo yek tika min heye
Qurban serpêhatiya min
Bila biserê gura neyê
Yarê yarê herdem yarê
Serpêhatî even û yar
Tenê hiştim bê dilovîn
Nema bihna yarê dikim
Çiqasî ev gul pişkivîn
Yarê yarê herdem yarê
Şeva dilê min bê denge
Sitêrkên wê ker û mestin
Yarê çi heyfa min û te
Erd û ezman şîn xweristin
Yarê yarê herdem yarê
Jiyan bê te ber çavê min
Îro bê reng û bê bîne
Bawer nakim ev çavê min
Yeka dî wek te bibîne
Yarê yarê herdem yarê
Plşeroj cewherî
Hewnaz
Dema hewnaz li nik min bû
Gelo xewn bû yan rastî bû
Ez vê pirsê ji kê bikim
Dilê xwe da bi cî bikim
Hewnaz bihna dar û baxan
Gula bilinda ser şaxan
Çiqasî gul bêjimarin
Her birengê te guldarin
Hewnazê ne li ba mine
Kêf û xweşî bida mine
Ten û tena li vir neman
Firyadî ji destê xeman
Kengî gul wê bipişkivin
Gezo li dara bikevin
Hîngê ezê herim baxan
Biçînim wê gula şaxan
Dilo bese heta kengî
Bide xeman bi sed rengî
Bilbil ketine zêmara
Bê te hewnaz mam li wara
Pêşeroj cewherî.
Dilketiya min
Çima te ez hiştim yarê
Li vî gundê bê dost û yar
Ezê li kê bikim gazî
Kul û xeman dilê min xwar
Çima te ez hiştim yarê
Ji sînga te çemê kewser
Evîna me di herikî
Mixabin jîna me bû wek
Ewrê havîna ferikî
Çima te ez hiştim yarê
Tiliyên te dilketya min
Roniya heyvê di dotin
Lê îro piştî te jarim
Şevên reş xwîna min mêtin
Çima te ez hiştim yarê
Li ser rêya evîna te
Mîna wî rêwiyê kalim
Bi gopalê desta bi meş
Ne poşmanê çavên kalim
Çima te ez hiştim yarê
Em dûrî hev du sêwîne
Kêfa neyara li me tên
Hevdîtina me buhara
Mêrg û kanî bi xuşxuş tên
Çima te ez hiştim yarê
Pêşeroj cewherî.
Ne pêkane serêkanyê
Ne pêkane serêkanyê
Hêlîna bilbil û lega
Wer bimîne li bin destan
Bibe warê gur sega
Nepêkane serêkanyê
Kaniya koka me kurda
Dîroka mîtan û horî
Bibe ware kul û derda
Nepêkane……….nepêkane
Nepêkane serêkanyê
Xelkên ew penaber bin
Keryê çetan li şûna wan
Xwedyê malê û serwer bin
Nepêkane……….nepêkane
Serêkanyê bajarê min
Hîn xeyala min azade
Li kolanên te digere
Dev ji lîskên xwe bernade
Nepêkane……….nepêkane
Serêkanyê delala min
Nixurya dê û bavê xwe
Li ber pîkê kaniyên te
Kurda vekirye çavê xwe
Nepêkane……….nepêkane
Şûnwar û kaniya jînê
Jiyan bê te êş û jane
Bindestiyê sirgûn bike
Azadî bi te ciwane
Nepêkane……….nepêkane
Pêşeroj cewherî .
Feleka bêdilovan
Du roj dijîna min de ne
Giran in pir bi wate ne
Sûndxwarî me ji bîr nakim
Madem ev dil pê dijene
Yekem roja min gewrê dît
Duwem roja ne bedî bît
Hey feleka bê dilovan
Axînên min ji ber te ne
Temîna min li her kesî
Dunya xayin lê napirsî
Birînên sorxwîn vekirin
Ev dil seba wê dijene
Ketim ber bayê felekê
Bahoz û ber gerînekê
Jiyana min bê hedare
Hêvî bûn got bêjene
Min çi rê girt çi gigihiştim
Mam li ber lehyan lêmiştim
Gerdûnê bi sitem kuştim
ji pîsan re bûm pêkene
pêşeroj cewherî.
Pezçêrê xeman
Ez dê rêkim ji bo xwedan
Sed peyaman ji bê dilya xwe
Ez bûme pezçêrê xeman
Ji ber koça dilyara xwe
Eger xwedê li ser erdê
Wek peyxember tev dibêjin
Berpirsê xêr û şera ye
Dê bo min bide bersiva xwe
Ez dixwazim wê delalê
Ya ku herdem dil li bale
Ew kevoka fîq sipiye
Dîsan bê ser hêlîna xwe
Ez dixwazim mîna berê
Şîn bike eyn wê buharê
Dinav baxên heman gulan
Bigrim destê dilbera xwe
Ez dixwazim wan miradan
Cardin vegerîne jiyan
Lê nizan im gelo xwedê
Kare bike vî karê xwe
Da bibîn im ilhama xwe
Pêşeroj cewherî.
Xwezî
Xwziya dil herdu çavan
Bidîtna te ronî bikim
Yarê ez bûm ware xeman
Xeyalên te kedî bikim
Xwezya wek pelên payîzê
Li ber bayê te biwama
Ew çax bextê me dê yekba
Ji dîtna te wer newama
Xwezî roja hevala min
Bi hatina te dil şaba
Yar biketina destê min
Bila bê mal bi kon bama
Xwezî îşev leyl û mecnûn
Herdu nêzî hev bibana
Min dê yek vîn bikra hêvî
Berxê ber make dan bama
Kê li çavên te yara min
Darçîn û sosin çandine
Dilşa nekî bigotek xweş
Wê here tev serûbine
Yarê bawer bike îro
Balindê bêper û çengim
Li kolanên jîna bê te
Heta bê nav û bê rengim
Pêşeroj cewherî.
Mirada bêwar
Ez hîn dilbend û sozdarim
Çavim li bendî yarê me
Dibe ku carkê miradan
Xwedê şîn bike warê me
Were hey mirada bêwar
Evîna lê nebûm civan
Gelek şerme buhar were
Nebînim te li nav gulan
Her êvar ku sira ba tê
Birênên kul di axivin
Wek deşt û zozanên bê av
Dar û ber lê napişkivin
Kevirên çiyayên felek
Guldana ber dil şikandin
Hêviyan destê xwe şûştin
Jiyan li min wergerandin
Çira jiyana min delal
Herdem şewqa wê ji te bû
Hêlîna dilê min yarê
Bersiya mijangên te bû
Îro li dora roja min
Dunya nema di zîvire
Maye hêstir ji çavên min
Bênavber tên xwîn jî pêre
Ezê bigrîm ta ku bigrîm
Heta Kwîrbim bê te yarê
Tika dikim mekin gazin
Ji hemî la kul tên xawrê
Pêşeroj cewherî.
Evîn û welat
Dilber îro welatê dil
Ez çi bêjim bûye kavil
Dar û zevî deşt û beyar
Navên bê te kincên buhar
Welatê ku dil ne lêbe
Wê çawa jin li wir lêbe
Evînpîroz û lata min
Dilber hey rojhilata min
Şewqa welatê evîne
Birêz û naz û şirîne
Li piştî te şahî nema
Dilber ketim lehî xema
Ketim ber lehya xemên te
Barana gij ber kulên te
Çavên te bo min welatim
Bêdilim bê te bê latim
Bixwîn û hêsrê me sotin
Lê ji dilê me derxistin
Evîna te welatê min
Birîna te kula tê me
Tenê ji te …
Tenê ji te man xem û kul
Herdem hêsir û çavên şil
Lê binrûye birîna min
Têkel bûye bixwîna min
Tenê ji te man bîrhatin
Kovan û xem dilgivaştin
Lê yar nizane êşa min
Îro ev bûye kêşa min
Tenê ji te man dilên tî
Bûm pepûkê vî welatî
Ne bawerim te bibînim
Perda çi şêxî , b hejînim
Her dirim nav gul û giya
Berî didim çar aliya
Ji bo ku li xwe bigerim
Divê ji vî warî herim
Ezê berdim vî diyarî
Dûr bikevim ji vî warî
Yarê kesek li vir nema
Bêje kulek jê re hema
Jiyan li min bûye hove
Tu, dbê nemane mirove
Da yek biser min venebî
Ezê herim hêdî hêdî
……………
https://drive.google.com/drive/my-drive
Kombûna Zanyarên Azad - تَجَمُّع المَعْرفيين الأَحْرار 